Пра кампанію

Siemens

ТАА “Інстытут горнай электратэхнікі і аўтаматызацыі” – інжынірынгавая і вытворчая кампанія. Мы ўваходзім у склад холдынга “ПАСАТ”, які ўжо больш за 20 гадоў абслугоўвае прадпрыемствы горна-хімічнай галіны.

Мы спецыялізуемся:

  • на распрацоўцы і рэалізацыі комплексных рашэнняў па аўтаматызацыі;

  • на вытворчасці электраабсталявання і апаратуры аўтаматызацыі (у тым ліку выбуховазасцярожанага) з выкарыстаннем інавацыйных распрацовак;

  • на мадэрнізацыі аб’ектаў прадпрыемстваў горна-хімічнай прамысловасці;

  • на выкананні навукова-даследчых і праектных работ у горна-хімічнай прамысловасці.

Інстытут выконвае работы па:

  • комплексным абследаванні вытворчасці і распрацоўкі тэхнічнай прапановы, заснаванай на найбольш эфектыўных і эканамічных рашэннях;

  • распрацоўцы комплекснага праекта тэхнічнага пераўзбраення вытворчасці, які ўключае абгрунтаваную спецыфікацыю на пастаўку тэхналагічнага абсталявання;

  • пастаўцы неабходнага тэхналагічнага абсталявання, сістэм аўтаматычнага кіравання;

  • пракладцы неабходных сетак і камунікацый;

  • мантажы абсталявання;

  • наладцы абсталявання з вывадам на аптымальныя параметры.

  • Нашы комплексныя рашэнні і абсталяванне даюць магчымасць:

  • павысіць прадукцыйнасць;

  • скараціць энергазатраты на вытворчасць прадукцыі;

  • павысіць бяспеку тэхналагічных працэсаў.

Укаранёныя нашымі спецыялістамі праекты даюць магчымасць знізіць энергазатраты на вытворчасць прадукцыі да 60 %.

У камандзе ТАА “Інстытут горнай электратэхнікі і аўтаматызацыі” працуюць як прафесіяналы, якія маюць багаты вопыт, так і энергічныя, творчыя маладыя супрацоўнікі, якія прапануюць нестандартныя рашэнні.

У 2011 г. наша прадпрыемства прайшло працэдуру сертыфікацыі сістэмы менеджменту якасці распрацоўкі і вытворчасці горна-шахтавага абсталявання на адпаведнасць патрабаванням СТБ ISO 9001-2009.

У 2017 годзе ў ліку першых у Рэспубліцы Беларусь ТАА “Інстытут горнай электратэхнікі і аўтаматызацыі” атрымала сертыфікат адпаведнасці, які сведчыць, што сістэма менеджменту якасці, у адносінах да праектавання і вытворчасці машын і абсталявання, якія прымяняюцца ў горна-хімічнай прамысловасці, выканання электрамантажных работ, адпавядае патрабаванням СТБ ISO 9001-2015.

У 2019 годзе ТАА “Інстытут горнай электратэхнікі і аўтаматызацыі” прыняло ўдзел у нацыянальным конкурсе “Прадпрымальнік года” ў г. Мінску, дзе сярод 27 кампаній стала ўладальнікам тытула “Прадпрымальнік года” ў асобе Упраўляючага Сцяпуркі Аляксандра Уладзіміравіча.

У канцы 2019 года, у адпаведнасці з пратаколам ад 19 снежня 2019 года нумар 1 пасяджэння рэспубліканскай конкурснай камісіі па падвядзенні вынікаў конкурсу “Лепшыя тавары Рэспублікі Беларусь” 2019 года, Дзяржаўны камітэт па стандартызацыі Рэспублікі Беларусь зацвердзіў  лаўрэатаў  конкурсу  “Лепшыя тавары  Рэспублікі Беларусь” 2019, дзе ТАА “Інстытут горнай электратэхнікі і аўтаматызацыі” стала адным з пераможцаў у намінацыі “Прадукцыя вытворча-тэхнічнага прызначэння” Мінскай вобласці. Лепшымі таварамі года сталі  Апаратура кантролю і сігналізацыі пад’ёмнай пасудзіны АКСПП, Апаратура шахтавай ствалавой сігналізацыі мікрапрацэсарная МАСС і Паказальнік напрамку лазерны ПНЛ (Пастанова № 75 ад 31.12.2019).