ТАА “ІГЭА” прадставіла свае прадукты на выставе ў Новакузнецку

ТАА “ІГЭА” прадставіла свае прадукты на выставе ў Новакузнецку
ТАА “Інстытут горнай электратэхнікі і аўтаматызацыі” сумесна з ТАА “Гандлёвая кампанія “Кітрэйд” прымала ўдзел у міжнароднай спецыялізаванай выставе “Вугаль Расіі і Майнінг. Ахова, бяспека працы і жыццядзейнасці”. Выстава праходзіла з 3 па 6 чэрвеня ў горадзе Новакузнецк, Расія.

Прадукцыя прадпрыемстваў групы кампаній “ПАСАТ” была прадстаўлена адразу на 2-х стэндах: на стэндзе ў павільёне № 4, а таксама на вулічнай экспазіцыі.

На стэндах можна было пазнаёміцца з інфармацыяй па ўсім пераліку прадукцыі і паслуг групы кампаній “ПАСАТ”. Асобна варта адзначыць той факт, што была прадстаўлена і інфармацыя па сістэмах кіравання і аўтаматызацыі, па вагах канвеерных аптычных, сістэмах маніторынгу стану праваднікоў скіпавага пад’ёму.

Увазе наведвальнікаў выставачных стэндаў кампаніі паўстаў шэраг узораў прадукцыі ТАА “Інстытут горнай электратэхнікі і аўтаматызацыі”:

  • выбуховазасцярожаны ператваральнік частаты з паветраным ахалоджваннем;

  • сістэма шахтавай ствалавой сігналізацыі і сувязі;

  • паказальнік напрамку лазерны.

Як адзначылі спецыялісты ТАА “Інстытут горнай электратэхнікі і аўтаматызацыі”, актыўная цікавасць сярод наведвальнікаў, а таксама іншых вытворцаў аналагічнай прадукцыі, была праяўлена як да ўжо некалькі гадоў вядомых на рынку распрацовак групы кампаній “ПАСАТ” (сістэмы шахтавай ствалавой сігналізацыі), так і да новых відаў прадукцыі (ператваральнікаў частаты з паветраным ахалоджваннем).

Партнёры адзначылі высокі тэхнічны ўзровень выканання ўсёй прадстаўленай на выставе прадукцыі і выказалі асаблівую цікавасць да прадукцыі беларускай вытворчасці.

У межах выставы “Вугаль Расіі і Майнінг. Ахова, бяспека працы і жыццядзейнасці” на стэндах кампаній “ІГЭА” і “Кітрэйд” быў праведзены шэраг сустрэч з прадстаўнікамі вядучых вуглездабыўных кампаній. Абмяркоўваліся стан галіны, актуальныя пытанні развіцця прамысловасці, перспектывы і ўмовы супрацоўніцтва. Партнёры і вытворцы падобнай прадукцыі выказалі зацікаўленасць у супрацоўніцтве і кааперацыі на тэрыторыі Расійскай Федэрацыі.

Самымі перспектыўнымі напрамкамі развіцця галіны былі названы: аўтаматызацыя на прадпрыемствах (у прыватнасці, кіраванне канвеерным транспартам на небяспечных вытворчасцях), укараненне сістэм відэаназірання ў шахтах і перадачы відэаінфармацыі, арганізацыя бесправадных ліній сувязі.


image169.jpeg