На базе праектнага аддзела ТАА “Інстытут горнай электратэхнікі і аўтаматызацыі” створаны філіял “ПасатПраект”

На базе праектнага аддзела ТАА “Інстытут горнай электратэхнікі і аўтаматызацыі” створаны філіял “ПасатПраект”

1 лістапада 2014 года на базе праектнага аддзела ТАА “Інстытут горнай электратэхнікі і аўтаматызацыі” быў створаны філіял “ПасатПраект”.

Мэта стварэння філіяла – выдзяленне будаўнічага праектавання ў асобны від дзейнасці холдынга “ПАСАТ” і ўдзел у сумесных работах з яго прадпрыемствамі і іншымі арганізацыямі, дзе патрабуецца распрацоўка праектнай дакументацыі.

У структуру філіяла ўваходзяць шэсць аддзелаў:

  • электратэхнічны аддзел;

  • цеплагазазабеспячэння, АВ і ВК;

  • аддзел архітэктурна-будаўнічых рашэнняў і генплана;

  • аддзел аўтаматызацыі, сувязі і сігналізацыі;

  • аддзел тэхналогіі і нестандартызаванага абсталявання;

  • аддзел каштарысаў і ПАБ.

Асноўная спецыялізацыя – праектаванне прамысловых аб’ектаў, таму персанал філіяла мае дазвол на праектаванне:

  • газаразмеркавальных сістэм і сістэм газаспажывання;

  • кацельняў з паравымі і вадагрэйнымі катламі незалежна ад віду паліва;

  • на небяспечных вытворчых аб’ектах, дзе вядуцца горныя работы;

  • на небяспечных вытворчых аб’ектах, дзе вядуцца работы па абагачэнні карысных выкапняў;

  • на небяспечных вытворчых аб’ектах хімічнай прамысловасці.

У адпаведнасці з патрабаваннямі Указа Прэзідэнта Рэспублікі Беларусь № 26 ад 14.01.2014 філіялам атрыманы атэстат адпаведнасці 3 катэгорыі на наступныя віды дзейнасці:

  • выкананне функцый генеральнага праекціроўшчыка;

  • распрацоўка раздзелаў праектнай дакументацыі ў якасці субпадрадчыка для аб’ектаў будаўніцтва першага-чацвёртага класаў складанасці;

  • распрацоўка перадпраектнай (перадінвестыцыйнай) дакументацыі.

У калектыве філіяла працуюць як вопытныя праекціроўшчыкі, за плячамі якіх не адзін складаны праект, так і маладыя спецыялісты.

Кіраўніцтвам філіяла забяспечваецца пераемнасць ведаў у галіне праектавання і прафесійнае навучанне маладых кадраў.

Са стварэннем філіяла “Пасатпраект” з’явілася магчымасць рэалізацыі поўнага цыкла работ ад распрацоўкі будаўнічага праекта да вырабу і запуску абсталявання.