Інстытут унёс уклад у будаўніцтва Гарлыкскага ГАКа

Інстытут унёс уклад у будаўніцтва Гарлыкскага ГАКа

ТАА “Інстытут горнай электратэхнікі і аўтаматызацыі” паставіў абсталяванне ўласнай вытворчасці на Гарлыкскі горна-абагачальны камбінат, які будуецца ў Туркменістане.

Па дагаворы было пастаўлена 4 камплекты мікрапрацэсарнай апаратуры ствалавой сігналізацыі МАСС. Гэтая апаратура прызначана для ўзгаднення дзеянняў тэхналагічнага кіравання пад’ёмнай устаноўкай падчас аперацый па спуску-пад’ёме людзей, грузаў, негабарытнага абсталявання, а таксама падчас рэвізій, аглядаў і рамонтных работ у ствале і ў станку капра, для эксплуатацыі на людскіх, грузалюдскіх і скіпавых пад’ёмных устаноўках руднікоў (шахт).

Раней, у лістападзе 2013 года, на горна-абагачальны камбінат, які будуецца ў Туркменістане, былі пастаўлены шчыты кантролераў ШК1 і ШК2, а таксама скрыня кросавая.

Адметнай рысай дадзеных паставак і іх унікальнасцю можна назваць тэрміновасць выканання: з моманту заказу да пастаўкі ў абодвух выпадках прайшло не больш як два тыдні (за гэты тэрмін была ажыццёўлена зборка абсталявання згодна з запытанай камплектацыяй, атрымана адпаведная дакументацыя, праведзена адгрузка прадукцыі і яе дастаўка заказчыку). Спецыялісты ТАА “Інстытут горнай электратэхнікі і аўтаматызацыі” правялі наладку пастаўленага абсталявання непасрэдна на аб’ектах.

Нагадаем, што Гарлыкскі горна-абагачальны камбінат узводзяць беларускія спецыялісты. Кантракт агульным коштам у мільярд долараў быў падпісаны 4 гады назад. Праект беларускі падрадчык выконвае “пад ключ”. Горна-абагачальны камбінат будзе спецыялізавацца на выпуску калійных угнаенняў. Асноўныя работы пачаліся ў 2012 годзе, а першую партыю руды прадпрыемства атрымае ўжо ў 2016 годзе.