Інстытут паставіць высакавольтныя ячэйкі на Гарлыкскі ГАК

Інстытут паставіць высакавольтныя ячэйкі на Гарлыкскі ГАК

Інстытут вырабіў і паставіць высакавольтныя ячэйкі на горна-абагачальнае прадпрыемства, якое будуецца ў Туркменістане, – камбінат магутнасцю 1,4 мільёна тон у год хларыду калію на базе Гарлыкскага радовішча калійных солей у Лебапскім велаяце.

Дагавор з генпадрадчыкам будаўніцтва ААТ “Белгорхімпрам” быў заключаны ў маі гэтага года. За тры месяцы нашы спецыялісты вырабілі камплект размеркавальнага ўстройства КРУЭ серыі ІГЭА S, які складаецца з трыццаці дзвюх ячэек. Гэтае абсталяванне Інстытут вырабляе па ОЕМ пагадненні з кампаніяй Siemens (Германія). КРУЭ серыі ІГЭА S забяспечваюць найвышэйшую надзейнасць энергазабеспячэння, простыя, зручныя ў мантажы і абслугоўванні, не маюць патрэбу ў тэхнічным абслугоўванні на працягу ўсяго тэрміну эксплуатацыі.

Прыняўшы прадукцыю, спецыялісты ААТ “Белгорхімпрам” пакінулі яе на адказнае захоўванне ў вытворцы. Праз месяц устройства камплектнае размеркавальнае КРУЭ серыі ІГЭА S будзе адпраўлена ў Туркменістан.

Гэта трэцяя пастаўка абсталявання Інстытута горнай электратэхнікі і аўтаматызацыі на Гарлыкскі ГАК. Летась для аснашчэння яго пад’ёмаў была выраблена мікрапрацэсарная апаратура шахтавай ствалавой сігналізацыі.