Апаратура шахтавай ствалавой сігналізацыі мікрапрацэсарная МАСС

Прызначэнне і сфера прымянення

Апаратура шахтавай ствалавой сігналізацыі мікрапрацэсарная МАСС (далей – апаратура) прызначана для ўзгаднення дзеянняў тэхналагічнага персаналу і кіравання пад’ёмнай устаноўкай падчас аперацый па спуску-пад’ёме людзей, грузаў, негабарытнага абсталявання, а таксама падчас рэвізій, аглядаў і рамонтных работ у ствале і ў станку капара, для эксплуатацыі на людскіх, грузалюдскіх і скіпавых пад’ёмных устаноўках руднікоў (шахт), якія задавальняюць наступным патрабаванням:

• максімальная колькасць прыёмных пляцовак 2 шт.;

• максімальная колькасць гарызонтаў (рабочых месцаў) 12 шт.

Апаратура забяспечвае:

• рабочую светлавую (з суправаджэннем гукавой) сігналізацыю;

• падачу рукаятчыкам-сігналістам, якія знаходзяцца на прыёмнай пляцоўцы, на ўсе рабочыя месцы сігналаў рэжыму работы пад’ёмнай устаноўкі: “Людзі”, “Груз”, “Негабарыт”;

• падачу машыністам пад’ёмнай устаноўкі сігналу рэжыму работы – “Рэвізія” і “Клець”;

• для варыянта з дзвюма прыёмнымі пляцоўкамі выбар рукаятчыкам-сігналістам, якія знаходзяцца на прыёмнай пляцоўцы, актыўнай прыёмнай пляцоўкі з адлюстраваннем гэтай інфармацыі на рабочым месцы рукаятчыка-сігналіста і машыніста пад’ёмнай устаноўкі;

• прыём кодавых сігналаў з іншай апаратуры ў рэжыме “Клець” і пераўтварэнне іх у хадавую каманду з адлюстраваннем яе на табло машыніста пад’ёмнай устаноўкі;

• прыём сігналу з іншай апаратуры аб стане стопараў у клеці і выдача каманды “Стоп” у рэжыме “Груз” пры іх спрацоўванні падчас руху ці блакіроўка падачы хадавой каманды з адлюстраваннем інфармацыі аб прычыне адмены хадавой каманды ці блакіроўцы на табло машыніста пад’ёмнай устаноўкі;

• выбар рукаятчыкам-сігналістам, які знаходзіцца на прыёмнай пляцоўцы, адраса руху клеці (да 12 гарызонтаў) з адлюстраваннем гэтай інфармацыі на рабочых месцах рукаятчыка-сігналіста, машыніста пад’ёмнай устаноўкі і ствалавога выбранага гарызонту;

• індыкацыю дакладнага спынення клеці на прыёмнай пляцоўцы і на выбраным гарызонце з адлюстраваннем гэтай інфармацыі на рабочых месцах выбранага гарызонту, прыёмнай пляцоўкі і машыніста пад’ёмнай устаноўкі;

• выдачу сігналу на разблакіроўку замка дзвярэй пры спрацоўванні датчыка дакладнага спынення клеці на прыёмнай пляцоўцы і на выбраным гарызонце;

• магчымасць падключэння датчыкаў кантролю перапад’ёму пасудзіны, пры спрацоўванні якіх выдаецца сігнал на аварыйнае спыненне пад’ёмнай машыны з адлюстраваннем гэтай інфармацыі на табло машыніста пад’ёмнай устаноўкі;

• магчымасць выдачы дазваляльных сігналаў на ўключэнне механізмаў, якія выкарыстоўваюцца ў каляствольным двары на прыёмнай пляцоўцы і гарызонтах;

• падачу рукаятчыкам-сігналістам, якія знаходзяцца на прыёмнай пляцоўцы, у кабіну машыніста пад’ёмнай устаноўкі і на гарызонты хадавых каманд: “Уверх”, "Уніз", “Ціха ўверх”, “Ціха ўніз”, “Стоп”;

• падачу ствалавымі з гарызонтаў на прыёмную пляцоўку хадавых каманд: : “Уверх”, "Уніз", “Ціха ўверх”, “Ціха ўніз”, “Стоп”;

• падачу ствалавымі з неактыўных гарызонтаў на прыёмную пляцоўку сігналу “Запыт на тэрміновы выклік клеці”;

• падачу на ўсе рабочыя месцы папераджальных сігналаў аб перавозцы выбуховых матэрыялаў ці вывазе хворага;

• падачу рукаятчыкам-сігналістам, якія знаходзяцца на прыёмнай пляцоўцы і ствалавымі на гарызонтах, на ўсе рабочыя месцы сігналу “Аварыйны стоп”;

• магчымасць зняцця пададзенага сігналу “Аварыйны стоп” толькі з таго рабочага месца, адкуль ён быў пададзены;

• падачу з гарызонтаў і прыёмнай пляцоўкі на ўсе рабочыя месцы сігналаў аб становішчы ствалавых дзвярэй (ахоўных рашотак), пасадачных устройстваў (кулакоў, хісткіх пляцовак), тармазных (ураўнаважвальных) канатаў;

• падачу з прыёмнай пляцоўкі ў кабіну машыніста сігналу аб становішчы супрацьпажарных ляд і адлюстраванне гэтай інфармацыі ў кабіне машыніста і на прыёмнай пляцоўцы;

• суправаджэнне хадавых каманд: : “Уверх”, “Уніз", “Ціха ўверх”, “Ціха ўніз” дазваляльным сігналам “Ход” на рух пад’ёмнай устаноўкі з адлюстраваннем гэтага сігналу на рабочым месцы рукаятчыка-сігналіста;

• выдачу дыскрэтных сігналаў “Аварыйны стоп”, “Стоп”, “Ход”, “Дзверы”, “Кулакі”, “Хісткія пляцоўкі”, “Людзі”, “Груз”, “Негабарыт”, “Рэвізія”, “Клець”, “Тармазныя канаты”, “Блакіроўка наперад”, “Блакіроўка назад” і інш. пры дапамозе кантактаў рэле, устаноўленых у цэнтральнай станцыі кіравання (далей ЦСК) для выкарыстання іх у схеме кіравання пад’ёмнай машынай;

• выдачу інфармацыі аб стане апаратуры МАСС па пратаколе “Modbus” ці “Profibus” для выкарыстання яе ў схеме кіравання пад’ёмнай машынай.

Дадаткова апаратура забяспечвае магчымасць вядзення пратакола работы пад’ёмнай устаноўкі з запісам усіх падзей на ўласную карту памяці.

Пры падключэнні да ПЭВМ інфармацыйная сістэма МАСС забяспечвае:

• вядзенне пратакола работы пад’ёмнай устаноўкі з магчымасцю архівавання адраса пададзенай каманды, даты, часу, рабочага месца, адкуль яна была пададзена;

• магчымасць прагляду і раздрукоўкі пратакола падзей;

• адлюстраванне бягучага стану органаў кіравання і датчыкаў рабочых месцаў рукаятчыка-сігналіста і ствалавых на мнемасхеме ПЭВМ з дэталізацыяй для кожнага рабочага месца;

• устаноўку ў кантролер рэзервовай копіі праграмнага забеспячэння ці абноўленай версіі.

Асноўныя тэхнічныя даныя

Дазвол Р. Казахстан на прымяненне KZ95VEH00006152 ад 14.03.2017

Сертыфікат адпаведнасці ТР МС 012/2011 №ЕАЭС BY/112 02.01. 103 00417 да 07.08.2024