Апаратура кантролю і сігналізацыі пад’ёмнай пасудзіны АКСПП

Апаратура кантролю і сігналізацыі пад'ёмнай пасудзіны АКСПП (далей – апаратура) прызначана для ўзгаднення дзеянняў тэхналагічнага персаналу і аператара шахтавай пад’ёмнай машыны (далей ШПМ) пры правядзенні агляду ствала, кантролю стану датчыкаў пад’ёмнай пасудзіны і выдачы кіруючых сігналаў у схему пад’ёмнай машыны.

Сфера прымянення – кіраванне выканаўчымі механізмамі, кантроль стану датчыкаў, устаноўленых на клеці, скіпе ці праходчым палку ці процівазе, перадача і прыём гукавой і лічбавай інфармацыі пры дапамозе бесправаднога радыёканала пры рабоце клеці ці скіпа ў розных рэжымах на прадпрыемствах горназдабыўной прамысловасці.

Апаратура забяспечвае:

• двухбаковую моўную сувязь паміж машыністам пад’ёму і персаналам, якія знаходзіцца на даху пад’ёмнай пасудзіны ці ў клеці;

• падачу хадавых каманд у машыннае аддзяленне з устройства, размешчанага на даху пад’ёмнай пасудзіны ці ў клеці;

• перадачу персаналам, які знаходзіцца на пад’ёмнай пасудзіне ці ў клеці, каманд “Аварыйны стоп” і “Блакіроўка” для выкарыстання ў схеме кіравання ШПМ з мэтай спынення ці блакіроўкі яе руху;

• узнаўленне сігналаў у выглядзе ўключэння адпаведнага рэле ў шафе цэнтральнай станцыі (далей ЦС) і паведамлення на пульце машыніста ШПМ і акустычным суправаджэннем гэтых сігналаў;

• прыём на даху клеці па радыёканале з наступным адлюстраваннем у выглядзе светлавой індыкацыі інфармацыі ад апаратуры, размешчанай у будынку ШПМ, аб стане пад’ёмнай машыны (“Ход” ці “Стоп”);

• выдачу гукавога канала для арганізацыі запісу перагавораў паміж машыністам і персаналам, які знаходзіцца ў клеці ці на даху пад’ёмнай пасудзіны, з дапамогай рэгістратара службовых перагавораў, усталяванага ў памяшканні ШПМ;

• наяўнасць інфармацыйнага канала для арганізацыі абмену данымі паміж апаратурай клеці (скіпа) і машынным будынкам у лічбавым фармаце;

• аўтаматычны бесперапынны кантроль працаздольнасці ўсіх ўстройстваў, якія ўваходзяць у склад АКСПП;

• выдачу аўтаматычнага сігналу на спыненне пад’ёмнай машыны пры страце сувязі і спрацоўвання засцярогі на пад’ёмнай пасудзіне для выкарыстання ў схеме кіравання ШПМ згодна з алгарытмам работы;

• бесперапынны кантроль узроўню зараду акумулятара і перадачу сігналу машыністу ШПМ аб яго разрадзе;

• выдачу інфармацыі для фарміравання сутачнага архіва падзей і прадастаўленне магчымасці Заказчыку выкарыстоўваць гэты архіў без яго рэдагавання для фарміравання архіва падзей у парадку, устаноўленым у Заказчыка.

Склад сістэмы для двухклецявой устаноўкі:

АКСПП уяўляе сабою камплект вырабаў, размешчаных у розных месцах пад’ёмнай устаноўкі і аб’яднаных тэхнічна для выканання функцый прызначэння.

Асноўныя тэхнічныя даныя

Асноўнымі вырабамі камплекту апаратуры з’яўляюцца:

• цэнтральная станцыя;

• пульт сігналізацыі машыніста пад’ёмнай устаноўкі;

• устройства апрацоўкі і перадачы даных пляцоўкі адхіляючых шківаў з антэнным блокам;

• станцыя клецявая з антэнным блокам;

• датчыкі кантролю напуску каната ў ствол, становішча дзвярэй клеці, стопараў.

Мадыфікацыі вырабаў, якія ўваходзяць у склад апаратуры АКСПП, вызначаюцца тэхнічным заданнем і апытальным лістом.

Перавагі АКСПП у параўнанні з аналагамі:

• больш высокая перашкодаабароненасць;

• большы аб’ём перадаваемых з пад’ёмнай пасудзіны даных;

• магчымасць апрацоўкі аналагавых і імпульсных сігналаў з датчыкаў, устаноўленых на пад’ёмнай пасудзіне. Гэта дазваляе арганізаваць маніторынг стану праваднікоў у рэжыме рэальнага часу;

• магчымасць арганізацыі кіравання з паверхні абсталяваннем, устаноўленым на пад’ёмнай пасудзіне, па бесправадным канале сувязі;

• апаратура дазваляе весці бесперапынны кантроль стану і спраўнасці ўсіх устройстваў і датчыкаў, уключаных у канфігурацыю. Прагляд стану ўваходаў модуляў ажыццяўляецца пасля пераходу на старонку са станам уваходаў;

• у выпадку страты сувязі ці няспраўнасці датчыка апаратурай фарміруюцца тэкставыя паведамленні для вываду на панэль машыніста;

• апаратура дазваляе ажыццяўляць з панэлі аператара дзеянні па змене канфігурацыі. Пасля ўваходу пад паролем у меню “Настройкі” ёсць магчымасць выключэння датчыкаў з канфігурацыі і выканання іншых настроек.

Структурная схема АКСПС

Дазвол Р. Казахстан на прымяненне KZ95VEH00006152 ад 14.03.2017

Сертыфікат адпаведнасці ТР МС 012/2011 №ЕАЭС BY/112 02.01. 103 00414 да 29.04.2025